Google ADS

Grupmosha më e prekur me COVID-19 në Prishtinë 35 – 44

18:45 | 29 Qershor 2020
Arbresh Info

Komuna e Prishtinës sot u ka bërë thirrje të gjithë qytetarëve që të respektojnë masat parandaluese ndaj përhapjes së koronavirusit, në kohën kur vendi ynë po përballet me një shtim të konsiderueshëm të rasteve të reja.

Në një njoftim për media thuhet se mbajtja e distancës fizike dhe e maskës, si dhe higjiena e duarve ndihmon në parandalimin e përhapjes së virusit, janë masat që qytetarët duhet t’i respektojnë domosdoshmërisht.

Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 mars deri sot janë 588 raste me koronavirus prej të cilave 444 janë ende aktive.

Komuna e Prishtinës ka 141 raste të shëruara dhe tri raste me fatalitet. Statistikat tregojnë se nga totali prej 588 rasteve janë 293 femra dhe 295 meshkuj.

 

Shpërndaje në rrjete sociale

Lajmet më të lexuara

Të ngjashme

Foto lajm